წმინდა პავსილიპო ცხოვრობდა იმპერატორ ანდრიანეს მეფობისას( 117-138). ის ქრისტიანული რწმენის გულმოდგინედ ქადაგების გამო შეიპყრეს და მმართველთან მიიყვანეს. ანდრიანეს წინაშე წმინდა პავსილიპომ დიდი სიმტკიცე გამოიჩინა. მაშინ ის თრაკიის პრეფექტს პრისკას გადასცეს, რომელსაც უბრძანეს პავსილიპო ჯერ გაეშოლტა, მერე მისთვის თავი მოეკვეთა. მაგრამ, როცა წმინდანი დასასჯელად მიჰყავდათ, ბორკილები თავისთავად დასცვივდა და მან გაქცევა და მიმალვა მოახერხა. ერთ მყუდრო ადგილად დამალულმა წმინდანმა თავი ლოცვას მიუძღვნა. და რაღაც დროის შემდეგ იქვე აღესრულა. "ბასილი II-ს მონოლოგია", საიდანაც ეს ცნობაა აღებული წმინდა თეოდორეს არ იხსენიებს. "კონსტანტინოპოლის სვინაქსარის" თანახმად მისი ხსენება აღესრულებოდა მელოვიას კვარტალში, საგლახაოში (გლახების სადგომ სახლში). წმინდა თეოდორე მოხსენიებულია გიორგი მთაწმინდელის სვინაქსარშიც.