განსაკუთრებით კი მეზობელ მონასტერში, ლავრაში. ხანდახან საქმე იქამდეც მიდიოდა, რომ როცა მომლოცველები კითხულობდნენ სამების მონასტერს, სადაც იონა მსახურობდა, მცდარ მისამართს აძლევდნენ. ზოგჯერ ეუბნებოდნენ, გარდაიცვალა, მონასტერი კი დახურესო.

ერთხელ ერთმა მეუფემ გაგზავნა იონასთან სულიერი შვილი. მან მოილოცა ლავრა, ემთხვია სიწმინდეებს და როცა მოიკითხა, - მამა იონა სად ცხოვრობსო, ლავრიდან შორს, 50 კმ-ზეა გასულიო, - უპასუხეს. ერთმა მომლოცველმა თქვა, - 100 კმ-ის იქითაც წავალ, ოღონდ მამა იონა ვნახოო. გამოვიდა სასტუმროდან. ტაქსის მძღოლს ჰკითხა, რამდენად მიმიყვან სამების მონასტერშიო. მძღოლმა მცირედი თანხა დაუსახელა. მომლოცველმა ჰკითხა, ხომ არ გეშლებათ, მე მითხრეს, რომ 50 კმ-ზეა ეს მონასტერიო.

ჯერ კიდევ სიცოცხლეში, 1888 წელს, მამა იონამ ზეციური სამყოფელი ნახა. მას ჰქონდა ხილვა, რომ მისი შრომა არ იყო დაკარგული. იხილა დიდი მინდორი. გაოცებული ვიყავი (წერს იონა წერილებში), ასეთი სილამაზე არსად მენახა. ჰაერიც სხვანაირი იყო... ასევე იხილა მისი მონასტრის ორი ბერი. "ვკითხე მათ, ეს რა ადგილია-მეთქი, მაგრამ არ მიპასუხეს. იქ იყო მოზარდი ხეები. მათ მითხრეს, რომ ეს ხეები ჩემი მონასტრის ბერები იყვნენ და ისინი ბერების სულიერ ზრდასთან ერთად იზრდებოდნენ. კიდევ ბევრი რამე ვნახე, მაგრამ ყველაფერს არ დავწერ. შემდეგ მითხრეს, - აქედან უნდა წახვიდე, ბევრი საქმე გაქვს გასაკეთებელი და ჯერ ადრეა შენი აქ დარჩენაო. წადი, წადი, უკვე დილის 6 საათია და კარზე გიკაკუნებენო. როცა მოვბრუნდი, კაკუნის ძლიერი ხმა ჩამესმა.

ღირსი იონა ავად გახდა და ლოგინად ჩავარდა. 1901 წლის ივლისი იყო. მან იწინასწარმეტყველა, რომ ოთხშაბათს გავიდოდა ამ ქვეყნიდან. ორშაბათს აღავლინეს წირვა და ოთხშაბათს მართლაც გარდაიცვალა. უამრავი ხალხი ესწრებოდა პანაშვიდს. სხვადასხვა ქვეყნიდან ჩამოდიოდნენ მომლოცველები, რათა წმინდა მამა ამქვეყნიდან გაეცილებინათ.

ღირსმა მამამ ერთხელ თქვა: - მე მოწამე ჩემი სიკვდილის შემდეგ გავხდებიო.

1934 წელი იყო, ხელისუფლებამ მონასტერი დახურა, მოიპარეს წმინდა მამის თავი და მაკურთხეველი მარჯვენა. 1966 წლის 21 ოქტომბერს, წმინდანის სხეული იქვე მდებარე "ზვერინევსკის" მონასტრის სასაფლაოზე გადააბრძანეს.

1993 წლის 13 ოქტომბერს სამების მონასტერი გაიხსნა. წმინდა მამის სხეული აღმოიყვანეს და ტაძარში დააბრძანეს.

2000 წელს აღსრულდა ღირსი მამის წმინდანთა დასში შერაცხვა.

შეეწიოს ყველა მართლმადიდებელს ღირსი იონა კიეველის მადლი. შევევედროთ უფალს, რომ მოგვცეს ამ წმინდა მამის მსგავსი მოთმინება და რწმენა.

ღმერთმა დაგლოცოთ და გაგაძლიეროთ რწმენაში. ამინ!