ღირსი კოზმა ერთ-ერთი ვლადიმირელი თავადის მსახური იყო და თავის ბატონს ხანგრძლივი ავადმყოფობის დროს წიგნის კითხვით ანუგეშებდა. ერთხელ, როცა ერთი ქალაქიდან მეორეში მიდიოდნენ, მდინარე იახრომის პირას შეჩერდნენ. კოზმამ ხეზე დაბრძანებული ღვთიმშობლის მიძინების ხატი იხილა და მოესმა ხმა, რომელმაც უბრძანა, მონაზვნად აღკვეცილიყო და მონასტერი აეშენებინა. მისი ბატონი წმინდა ხატთან მიახლებისას განიკურნა. მან ამ სასწაულის შემდეგ კოზმა გაათავისუფლა და მანაც კიევის მღვიმევის მონასტერს მიაშურა, სადაც მონაზვნად აღიკვეცა. 1482 წელს ღვთის ბრძანებით, აიღო ღვთისმშობლის მიძინების ხატი და კვლავ იახრომისკენ გაემართა, სადაც ვლადიმირიდან 40 ვერსტში, ერთ უდაბურ ადგილას დასახლდა. მასთან მონაზვნობის მსურველი მომლოცველები მიდიოდნენ, რადგან მასში თვით ქრისტეს ხატებას ხედავდნენ. მათ მასთან დარჩენა სურდათ, წმინდა კოზმა თავს იკავებდა. ერთხელაც გამოეცხადა უფლის დედა და უთხრა, რომ ღვთის ნებით, ღვთისმშობლის მიძინების სახელზე აქ მონასტერი უნდა აეშენებინა. წმინდა კოზმას გარშემო შეიკრიბა ძმობა, დაარსდა მონასტერი, რომლის იღუმენადაც იგი აირჩიეს. წმინდა კოზმა ღრმად მოხუცი, 1492 წლის 18 თებერვალს გარდაიცვალა. მას 14 ოქტომბერსაც მოიხსენიებენ, იახრომის ღვთისმშობლის ხატის ხსენების დღეს.
...........................................................

მღვდელმოწამე მიქაელ ლექტორსკი, მღვდელი (+1021); აღმსარებელი ამბროსი (პოლიანსკი), კამენეც-პოდოლსკის ეპისკოპოსი (+1932); მღვდელმოწამე პეტრე ლებედევი, დეკანოზი (+1937}; მღვდელმოწამე მაქსიმილიანე (მარჩენკო), იღუმენი (+1938)

მათ მოიხსენიებს რუსეთის მართლმადიდებელი ეკლესია.