ქალწული ახალმოწამე ქრისტეს რწმენისა მარიამი, წოდებული მეთიმოპულად, დაიბადა ქვემო ფურნი მერამბელოში, კრეტაზე, ღვთისმოსავი და ღვთისმოყვარე მშობლებისგან. წმინდანი შეუყვარდა ერთ თურქ-ალბანელ ჟანდარმს, რომელმაც ყველა ღონე იხმარა, რათა იგი თავის ბინძურ სიყვარულში ჩაეთრია. მაგრამ რაც უფრო მეტად ცდილობდა იგი, მით უფრო ეზიზღებოდა ნეტარ მარიას. ამგვარად, ამ უღვთო კაცმა გადაწყვიტა წმინდანის მოკვლა. ერთ დღეს, როდესაც იგი აბრეშუმის ჭიების საკვებად ფოთლებს აგროვებდა, თავს დაესხა და სასიკვდილოდ დაჭრა გულში. ასე მიიღო უფლის უმშვენიერესმა სძალმა მოწამეობის გვირგვინი. წმინდა ახალმოწამე მარიამ, როგორც ცნობილია, იწამა 1826 წელს.