28.02.2017
სრულიად საქართველოს კათოლიკოს-პატრიარქის, უწმიდესისა და უნეტარესის ილია მეორეს ლოცვა-კურთხევით
და ბრძანებით თბილისის თაბორის მთის ფერისცვალების სახელობის მამათა მონასტრის წინამძღვარმა არქიმანდიტმა ბართლომემ (ფირცხალაშვილი) სამღვდელოებასთან ერთად 2017 წლის 26 თებერვალს, შენდობის კვირიაკეს, მონაზვნად აღკვეცა თბილისის სასულიერო აკადემიის კურსდამთავრებული, ფილოლოგიის მეცნიერებათა დოქტორი, პროფესორი მამუკა ცუხიშვილი და სახელად უწოდა იოანე (მცხეთისა და ყოველთა ქართველთა პირველი ეპისკოპოსის იოანე პირველის სახელზედ). მონაზონ იოანეს უფლება მიეცა გააგრძელოს სამეცნიერო, პუბლიცისტური და პედაგოგიური მოღვაწეობა.
