დღეს ვრცელდებოდა ინფორმაცია, რომ კათოლიკოს-პატრიარქი სადღესასწაულო ლიტურგიას შობას, 7 იანვარს 10:00 საათზე დაიწყებდა. მაგრამ ახლა ვრცელდება ახალი ინფორმაცია: 
სრულიად საქართველოს კათოლიკოს-პატრიარქი ილია მეორე შობის დღესასწაულთან დაკავშირებით ყოვლადწმინდა სამების საკათედრო  ტაძარში ღამისთევის მსახურებას ჩაატარებს.
როგორც საპატრიარქოდან იტყობინებიან, შობის დღესასწაულთან დაკავშირებით ყოვლადწმინდა სამების საკათედრო ტაძარში ღამისთევის მსახურება ხვალ, 23:00 საათზე დაიწყება და მას პატრიარქი შეასრულებს.