ხვალ, მახათას მთაზე ივერიის ყოვლადწმინდა ღვთისმშობლის ხატის სახელობის მშენებარე ტაძარში სრულიად საქართველოს კათოლიკოს-პატრიარქი ილია II პარაკლისს გადაიხდის და ბავშვებს დალოცავს.
ამის შესახებ "ინტერპრესნიუსს" "საზოგადოება ივერიისა"-დან აცნობეს.
მათივე განმარტებით, ბავშვებისა და სრულიად საქართველოს დალოცვის გარდა, ხვალ პირველად დარეკავენ მახათას ტაძრის ზარებს.
"აღსანიშნავია, რომ იწყება მახათას პროექტის ახალი ეტაპი, რომელიც ტაძრის მშენებლობასთან ერთად მისთვის საგანმანათლებლო ფუნქციის შეძენას მოიცავს.
2016 წლიდან, მისი უწმინდესობის ლოცვა-კურთხევით, საზოგადოების საქმიანობას სათავეში ჩაუდგა გიორგი თავაძე, რომელიც ამ ფონდის დაარსებიდან მისი სამეთვალყურეო საბჭოს წევრია. შექმნილია ქტიტორთა საბჭო, რომელიც საზოგადოებისთვის ცნობილი ადამიანებისგან შედგება.
ქტიტორთა საბჭო წევრები არიან, კინორეჟისორი ელდარ შენგელაია; მწერალი გურამ დოჩანაშვილი; კინორეჟისორი მერაბ კოკოჩაშვილი; საქართველოს ხელოვნების დამსახურებული მოღვაწე და საქართველოს სიმღერისა და ცეკვის სახელმწიფო აკადემიური ანსამბლ "რუსთავის" სამხატვრო ხელმძღვანელი ანზორ ერქომაიშვილი; პოეტი და ფილოლოგი ლია სტურუა; მწერალი ლაშა თაბუკაშვილი; ანთროპოლოგი დავით ლორთქიფანიძე; ისტორიკოსი, საქართველოს ხელნაწერთა ეროვნული ცენტრის დირექტორი ზაზა აბაშიძე; სუხიშვილების სახელმწიფო ქორეოგრაფიული ანსამბლის სამხატვრო ხელმძღვანელი ნინო სუხიშვილი; მხატვარი რუსუდან ფეტვიაშვილი; ჟურნალისტი და გაზეთ "კვირის პალიტრის" მთავარი რედაქტორი გიორგი თევდორაშვილი; მწერალი და სცენარისტი კოტე ჯანდიერი; დირიჟორი და კომპოზიტორი ნიკოლოზ რაჭველი; კინორეჟისორი და სცენარისტი ლევან კოღუაშვილი; ჟურნალისტი ნინო ქაჯაია; ისტორიკოსი და წმინდა გიორგის სახელობის ბრიტანულ–ქართული სკოლის დირექტორი, პროფესორი ეკა კვაჭანტირაძე;
"საზოგადოება ივერიისას" თავმჯდომარე გიორგი თავაძე 1998 წლიდან არის "ჯი-ემ-თი ჯგუფის" პრეზიდენტია; არის წმინდა გიორგის სახელობის საგანმანათლებლო ფონდის დამფუძნებელი, ასევე ფასეულობათა კვლევის საზოგადოების დამფუძნებელი. 2015 წლიდან არის ამერიკა-საქართველოს ბიზნეს საბჭოს დირექტორთა საბჭოს წევრი. 2015 წლიდან კი გიორგი თავაძე არის საქართველოში ჰარვარდის ასოციაციის (კლუბი) პრეზიდენტი", - აცხადებენ "საზოგადოება ივერიისა"-ში.
წყარო: http://www.interpressnews.ge
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი
