ათონური ტრადიციის მიხედვით, აღსაყდრების წესს აღასრულებს ათანასე ათონელის დიდი ლავრის ანტიპროსოპი (წარმომადგენელი). ნიშნად იმისა, რომ ღირსი ათანასე იდგა დღეს ათონზე არსებული არაერთი მონასტრის დაარსების სათავეებთან, სწორედ დიდი ლავრის წარმომადგენელს აქვს პატივი ათონის მონასტრების იღუმენთა აღსაყდრებისა და არქიმანდრიტის ხარისხის მინიჭებისა.
აღსაყდრების წესის აღსრულებისას ათანასეს ლავრის წარმომადგენელმა წაიკითხა ათონის წმინდა კინოტის მიმართვა არქიმანდრიტ ევლოგისადმი. წერილში წმინდა მთის ძმები უსურვებენ ახალნაკურთხ იღუმენს ყოვლადწმინდა ღვთისმშობლის შეწევნას და იღუმენის ჯვრის ღირსეულად ტარებას.წერილის წაკითხვის შემდეგ ათანასეს ლავრის წარმომადგენელმა ბერმა ნიკოდიმოსმა იღუმენ ევლოგის იღუმენის კვერთხი გადასცა, რომელზეც არის ასეთი წარწერა: "მიიღე ეს კვერთხი და ამით განამტკიცე ლავრის ძმები და მამები, უხელმძღვანელე მათ გადარჩენის გზაზე, გახსოვდეს, რომ შენ უნდა შეაწიო მათ სიტყვა უფლის წინაშე განკითხვის დღეს".
აღსაყდრების წესის დასრულების შემდეგ იღუმენი ევლოგი საპასუხო სიტყვით გამოვიდა. წირვის შემდეგ კი სადღესასწაულო ტრაპეზი გაიმართა. წმინდა პანტელეიმონის სავანეს ამ დღეს 400-მდე მომლოცველი სტუმრობდა.
მამა ევლოგი - ერში მიხეილ ნიკოლოზის ძე ივანოვი, დაიბადა 1958 წლის 12 ოქტომბერს. მშობლიურ მხარეა ჩელიაბინსკი. სამონაზვნე მანტიით აღკვეცილ იქნა სერგიევის სამების ლავრაში 1985 წლის 25 ნოემბერს.
ამავე ადგილას 1986 წლის 23 დეკემბერს ხელდასხმულ იქნა მღვდლად. 1988 წლის 15 მაისიდან მოღვაწეობს ათონის მთის წმიდა პანტელეიმონის რუსულ მონატერში.
შეგახსენებთ, რომ წმინდა პანტელეიმონის მონასტრის წინა იღუმენი, სქემარქიმანდრიტი იერემია 2016 წლის აგვისტოში გარდაიცვალა.
