უკრაინის პარლამენტმა გადაწყვიტა, რომ ოფიციალურად სთხოვოს მსოფლიო საპატრიარქოს, უკრაინის მართლმადიდებელი ეკლესიისათვის ავტოკეფალიის მინიჭება. ამის შესახებ ინფორმაციას ავრცელებს წმინდა და დიდი კრების საიტი (პანორტჰოდოხცემეს.ბლოგსპოტ.გრ). მართლმადიდებელ ეკლესიებს შორის ურთიერთობა, საკმაოდ დაიძაბა უკანასკნელ საუკუნეში, ამ ფონზე აღნიშნული წინადადება სთავაზობს დიდ და წმიდა კრებას ახალ გამოწვევას. უკრაინის პარლამენტი დღეს გასაჯაროვებული გადაწყვეტილებით სთხოვს მსოფლიო საპატრიარქოს, რომ შეცვალოს 1686 წლის ტომოსის დადგენილება, რომლის მიხედვითაც კიევის დიოცეზი (საეპისკოპოსო)გადატანილ იქნა მოსკოვში. რადა ასევე ითხოვს უკრაინაში საყოველთაო კრების ჩატარებას, რათა გამოირიცხოს სქიზმის შესაძლებლობა და დასახელებულ ეკლესიას ახალი ტომოსით მიეცეს ავტოკეფალია.

სავარაუდოდ სწორედ ეს უნდა ყოფილიყო პრეზიდენტ პეტრე პოროშენკოს ვიზიტის უპირველესი მიზეზი, რომელიც მარტის თვეში შედგა მსოფლიო საპატრიარქოში. საკმაოდ მნიშვნელოვანია ისიც, რომ აღნიშნული მოვლენა უარყოფითად შეფასდა მოსკოვის საპატრიარქოსთან დაკავშირებულ ინტერნეტსაიტებზე და აღქმულ იქნა, როგორც ფანარის მხრიდან პროვოკაციული ქმედება სრულიადმართლმადიდებლური კრების წინ .


მოამზადა გურამ ლურსმანაშვილმა

წყარო: კრება2016.გე