აფხაზეთის ე.წ. მიტროპოლიამ გაავრცელა მიმართვა მსოფლიო კრებისა და ბართოლომეოს პირველისადმი. წერილი მკვეთრად ანტიქართულია და საქართველოს ეკლესიისა და პატრიარქის წინააღმდეგაა მიმართული.
"საქართველოს საპატრიარქოს და კათოლიკოს ილიას არ აქვს უფლება აფხაზეთის მართლმადიდებელ სამწყსოს წამოადგენდნენ" – წერია მიმართვაში მსოფლიო საეკლესიო კრებისა და მსოფლიო პატრიარქ ბართლომე I-სადმი, რომელიც 2016 წლის 15 მაისს ახალ ათონში აფხაზეთის მიტროპოლიის მიერ გამართული საეკლსიო-საერო კრების დროს მიიღეს.
1300 მოქალაქის მიმართვის ძირითადი გზავნილი აფხაზეთის მართლმადიდებელი თემის სტატუსის განსაზღვრაა.
მიმართვაში ნათქვამია, რომ საქართველოს მართლმადიდებელი ეკლესია აფხაზეთის პრობლემის განხილვას საერთაშორისო დონეზე უგულებელყოფს, რაც ძირითადი მიზეზია იმისა, რომ აფხაზეთში ამ დრომდე კანონიკური ეკლესიის ინსტიტუტი არ არსებობს.
"აფხაზები არასდროს მიიჩნევდნენ თავს ქართული ეთნოსის ნაწილად და საქართველოს ეკლესიის კუთვნილებად. 1918 წელს აფხაზეთი ოკუპირებული იყო საქართველოს დემოკრატიული რესპუბლიკის ჯარების მიერ. 1990 წელს მსოფლიო საპატრიარქომ, რომელსაც არ ჰქონდა საშუალება გაეთვალისწინებინა პოლიტიკური გარემოებები, საქართველოს მართლმადიდებელ ეკლესიას გადასცა ავტოკეფალია იმ კანონიკურ საზღვრებში, რომელიც 1943 წელს საქართველოს ყოფილი საბჭოთა სოციალისტური რესპუბლიკის საზღვრებში იყო განსაზღვრული საქართველოს და რუსეთის მართლმადიდებელ ეკლესიებს შორის.
აფხაზეთსა და საქართველოს ეკლესიას შორის ურთიერთობებს არ შეიძლება უწოდო მეგობრული და ძმური. საქართველოს ეკლესია ყოველთვის მხარს უჭერდა საქართველოს ხელისუფლების ნაციონალისტურ იდეებს აფხაზებისა და სხვა ერების მიმართ. საქართველოს საპატრიარქო არასდროს გამოსულა სისხლისმღვრელი ომების შეწყვეტის მოწოდებით 1992-1993, 1998 და 2001 წლებში, ასევე, 2008 წელს.
აფხაზეთის მრავალეროვანი მართლმადიდებელი თემი არასდროს გრძნობდა საქართველოს საპატრიარქოს მხრიდან მხარდაჭერას. საქართველოს ეკლესია ყოველთვის ხაზს უსავამს საქართველოს პოლიტიკური საზღვრეების აღდგენის მნიშვნელობას და ამით საკუთარი სახელმწიფოს ნაციონალისტურ იდეებს ამართლებს. აფხაზეთის მართლმადიდებელი თემი არ აღიარებს საქართველოს მართლმადიდებელი ეკლესიის ძალაუფლებას", – წერია მიმართვაში.
მსგავსი მიმართვა აფხაზეთის მიტროპოლიამ 15 მაისს 2011 წელსაც გაგზავნა, სადაც აღნიშნული პრობლემის განსახილველად საერთაშორისო კომისიის შექმნას ითხოვდა.
წყარო: http://netgazeti.ge/
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი
