ათონის მთამ პრაქტიკულად დაადასტურა დოკუმენტის არსებობა, თუმცა აღნიშნეს, რომ ზემოხსენებულ დოკუმენტზე ხელი არ აქვთ მოწერილი! ასევე გვინდა გაგაცნოთ კიდევ ერთი წერილი, რომელიც წმინდა კინოტმა (ათონის მთის მმართველებმა) გაუგზავნეს მსოფლიო პატრიარქს ბართოლომეოსს 2014 წლის დეკემბერში. წერილი ეხებოდა რომის პაპის ვიზიტს კონსტანტინოპოლში, რომელიც 2014 წლის ნოემბერში შედგა.ათონელები გულისწყრომასა და მღელვარებას გამოხატავდნენ იქ მიმდინარე მოვლენების მიმართ და ასევე ხაზი გაუსვეს პატრიარქისა და პაპის ურთიერთ ამბორს, საღვთო ლიტურგიის დროს. წერილში წმინდა კინოტი მოითხოვდა სასწრაფო შეწყვეტას საღვთისმეტყველო დიალოგისას, რომის კათოლიკურ ეკლესიასთან, ვინაიდან რომის ეკლესია დღემდე გახლავთ მწვალებლობაში. წერილის დასკვნით ნაწილში, ყველა მონასტერმა ერთობლივად შეახსენა მსოფლიო პატრიარქს, რომ თუ არ შეწყდება მწვალებლური შერწყმა რომის ეკლესიასთან,მაშინ განმეორდება 50 წლის წინანდელი პრეცედენტი, როდესაც ათონის მონასტრებმა შეწყვიტეს მსოფლიო პატრიარქის ათინაგორას მოხსენიება! ასევე გაუწყებთ, რომ 2016 წლის 3 თებერვალს შედგა ელადის წმინდა სინოდის კრება. სინოდის შემაჯამებელ განცხადებაში ნათქვამია, რომ შამბეზიში შემდგარ სინაკსისში ნეტარი იერონიმეს (ელადის ეკლესია) არ გამოცხადების მიზეზი სულაც არ იყო პირადი გარემოებები, როგორც ეს იყო საჯაროდ გაცხადებული, არამედ მიზეზი გახლავთ ის ქმედებები მსოფლიო პატრიარქის მხრიდან, რაც ხორციელდება ელადის ეკლესიისა და მისი ავტორიტეტის მიმართ.