პირეის მიტროპოლიტმა სერაფიმემ სპეციალური გზავნილი დააგზავნა, რომელიც თანამედროვეობის აქტუალურ საკითხებს ეძღვნება. საიტმა Agionoros.ru გამოაქვეყნა საინტერესო ამონარიდები ამ დოკუმენტიდან.

მიტროპოლიტ სერაფიმეს აზრით, "მსოფლიო კრიზისის მთავარი მიზეზი, მართლმადიდებლური ღვთისმეტყველების თვალსაზრისით, არის კაცობრიობის ღმრთისაგან დაშორება, განდგომილება და მოუნანიებლობა, რომელსაც სინკრეტული ეკუმენიზმის ყოვლადმწვალებლობის მონობისაკენ მივყავართ".

მეუფე თვლის, რომ "ეკუმენისტური მოძრაობის ერთადერთი შედეგი - ესაა შფოთი და სინკრეტიზმი".

მიტროპოლიტ სეარაფიმეს აზრით, ისეთი მოვლენები, როგორიცაა ქალების მღვდლად ხელდასხმა და ერთსქესიანი ქორწინებების ლეგალიზაცია, ამტკიცებს, რომ სხვაგვარადმადიდებლებთან დიალოგის შედეგად ვერ მოხდა მწვალებლების დარწმუნება, რომ თუნდაც მცირედით მიახლოვებოდნენ მართლმადიდებლურ ღვისმეტყველებასა და ცხოვრების წესს.

მეუფე სერაფიმე თვლის, რომ პატრიარქ ბართლომეს მოსაზრება, რომლის თანახმადაც 2016 წლის სრულიადმართლმადიდებელთა კრებას არ შეიძლება ვუწოდოთ მსოფლიო, რადგან მასში დასავლეთის ქრისტიანები არ მონაწილეობენ, ვერავითარ კრიტიკას ვერ უძლებს. მართლმადიდებელი ეკლესია ფლობს მთელ სისავსეს და არ საჭიროებს მწვალებლების მონაწილეობას იმისათვის, რომ კრებას მსოფლიო კრების ხასიათი მიენიჭოს.

მიტროპოლიტი თვლის, რომ ნამდვილი მიზეზი, რომელმაც ორგანიზატორები აიძულა, კრების სახელწოდებაში ტერმინი "მსოფლიო" შეეცვალათ ტერმინით "სრულიადმართლმადიდებელთა", იმითაა განპირობებული, რომ წინააღმდეგ შემთხვევაში იძულებული იქნებოდნენ, ფოტი დიდისა და გრიგოლ პალამას კრებებიც "მიეჩნიათ მერვე და მეცხრე მსოფლიო კრებებად. მაგრამ მსგავსი გადაწყვეტილება მოსვენებას დაუკარგავდა ვატიკანს, ვინაიდან ხსენებულმა კრებებმა პაპიზმის მწვალებლობა დაგმეს".

მეუფე სერაფიმე თვლის, რომ 2016 წლის სრულიადმართლმადიდებელთა კრებას არ აქვს უფლება, შეცვალოს პასექის თარიღი, რომელიც პირველი მსოფლიო კრების მამებმა დაადგინეს: "თუ ეს მოხდება, მაშინ ჩვენ ახალი განხეთქილება გველოდება, რომელიც, სამწუხაროდ, კანონიკურად დასაბუთებული იქნება".


კრება, რომელიც ეკუმენიზმის ყოვლადმწვალებლობის ლეგალიზებას მოახდენს, "შეიძელბა გახდეს ნამდვილი ნაღმი სრულიადმართლმადიდებელთა ერთობის შენობის ქვეშ, იმიტომ რომ შექმნის გაცილებით მეტ პრობლემას, ვიდრე გადაწყვეტს. ის მიგვიყვანს მღელვარებასთან, შფოთთან და განხეთქილებებთან".

რუსულიდან თარგმნა ა. უნგიაძემ
http://qadageba.ge/