ადგილობრივ ეკლესიებს შორის არსებული უთანხმოების გამო, მსოფლიო პატრიარქმა ბართლომეოსმა ადგილობრივი ეკლესიების წარმომადგენლებს მოუწოდა, შეწყვიტონ უთანხმოება და დაესწრონ სრულიად მართლმადიდებელთა კრებას, რომელიც სტამბოლის ნაცვლად, ჟენევაში გაიმართება.
ამის შესახებ ბერძნული სააგენტო "რომფეია" იუწყება. სააგენტოს ინფორმაციით, კრებას ელადის მართლმადიდებელი ეკლესიის მეთაური, ათენისა და სრულიად საბერძნეთის მთავარეპისკოპოსი იერონიმე არ დაესწრება, რომელსაც უთანხმოება აქვს კონსტანტინეპოლის მართლმადიდებელ ეკლესიასთან. სააგენტო ასევე წერს, რომ არსებობს პრობლემები კრებაზე ანტიოქიის პატრიარქის დასწრების გამო, რადგან ყატარის იურისდიქციასთან დაკავშირებით ანტიოქიის მართლმადიდებელ ეკლესიასა და იერუსალიმის საპატრიარქოს შორის ევქარისტიული ერთობა გაწყვეტილია. ამავე სააგენტოს ინფორმაციით, გადაუწყვეტელია საკითხი ჩეხეთისა და სლოვაკეთის მართლმადიდებელი ეკლესიის ახალ მეთაურთან დაკავშირებით, რომლის ცნობასაც არ აპირებს კონსტანტინოპოლის საპატრიარქო და რომელიც ცნო მოსკოვის საპატრიარქომ. სააგენტო ასევე წერს, რომ სტამბოლში კრების გამართვა შეუძლებელი იქნება, რადგან შექმნილი ვითარების გამო თურქეთში ვერ ჩავლენ რუსეთის მართლმადიდებელი ეკლესიის წარმომადგენლები. ამასთან დაკავშირებით, კონსტანტინეპოლის პატრიარქმა ბართლომეოსმა უკვე განაცხადა, რომ მზადაა კრება ჟენევაში გადაიტანოს. აღნიშნული კრების ჩატარება 2016 წლის 21 იანვარს იგეგმება.
- მთავარი
- ჩვენ შესახებ
- ეკლესია
- ქრისტიანული ცხოვრება
- რწმენა
- წმინდანები
- სხვადასხვა
- ახალი ამბები
- დიასახლისის გვერდი
- სწავლებანი
- ერისკაცობიდან მღვდლობამდე
- ქრისტიანული საიდუმლო
- ქრისტიანული სიმბოლიკა
- ცოდვა
- ისტორია
- ანგელოზები
- ამბიონი
- კითხვა-პასუხი
- ეს უნდა ვიცოდეთ
- ცრუ მოძღვრებები
- სხვა რელიგიები
- სხვადასხვა
- მკითხველის გვერდი
- ეპისტოლენი, ქადაგებები
- ნამდვილი ამბები
- სასწაულები
- წაუკითხეთ პატარებს
- ჩემი სოფელი
- ქართული გვარები
- ქართული ანბანი
- რელიგიურ-ფილოსოფიური ლექსიკონი
- წმინდა წერილი
- წიგნები
- ლოცვანი
