საქართველოს მართლმადიდებელი ეკლესია 14 ოქტომბერს სვეტიცხოვლობის დღესასწაულს აღნიშნავს. სვეტიცხოველი ქართული კულტურის, ხელოვნებისა და არქიტექტურის უმნიშვნელოვანესი ძეგლი, განსაკუთრებული და უნიკალური ისტორიის ტაძარია საქართველოში. მისი აგების ისტორია თუ ის სიწმინდეები, რაც იქ ინახება, მას ერთ-ერთ უდიდეს ტაძრად აქცევს ჩვენი ქვეყნისთვის. ყველაზე მთავარი, რაც სვეტიცხოველს უკავშირდება, ღვთისმშობლის მიერ შექმნილი მაცხოვრის კვართია. "არსებობს ბოლო ჟამის წინასწარმეტყველება, რომ მაცხოვარი თავის კვართს მოაკითხავს, სიდონიაც კვართთან ერთად აღდგება..." "1911 წლის შემდეგ, როდესაც საქართველოს ეკლესიამ ავტოკეფალია დაკარგა და ქვეყანაში ეგზარქოსი მოგვევლინა, პირველ რიგში, სვეტიცხოვლის გათხრა დაიწყეს. ბუნებრივია, მტრებმა მიზანს ვერ მიაღწიეს და კვართსაც ვერ მიაგნეს, თუმცა საზოგადოების მოსატყუებლად მიწაში სხვა სუდარა ჩადეს და გამოაცხადეს, უფლის კვართს მივაგენითო. მოგვიანებით, მათ მიერვე დამალული სუდარა რუსეთში გაიტანეს. სხვათა შორის, რუსებს დღესაც სჯერათ და გვეკითხებიან, თუ თქვენთან მაცხოვრის კვართი ინახება, რუსეთში რას ვინახავთო?"

ტაძარი არაერთხელ შემუსვრილა მტერთა შემოსევების შედეგად, არაერთ დამპყრობელს უცდია მისი დანგრევაც, მაგრამ ძველი დიდებულებით კვლავაც აღმდგარა - სვეტიცხოველი ქვეყნის გაუტეხლობის სიმბოლოდ იქცა... ის პირველ რიგში, საქართველოს რელიგიურ ცენტრს წარმოადგენდა, ეკლესიის მეთაურთა რეზიდენცია გახლდათ. სწორედ სვეტიცხოველში აკურთხებდნენ ქართველ მეფეებსა და ეკლესიის მეთაურებს, იწერდნენ ჯვარს და ნათლავდნენ უფლისწულებს. ამავე ტაძარში კრძალავდნენ ქართველ მეფეებს, დედოფლებს, ბატონიშვილებსა და კათოლიკოს-პატრიარქებს. ტაძარში რამდენიმე საფლავი დღემდეა შემორჩენილი. მტრის შემოსევისას აქ აფარებდა თავს მცხეთისა და მისი შემოგარენის მოსახლეობაც.

სვეტიცხოვლობის დღესასწაულისთვის მკითხველისთვის საჩუქარი გამომცემლობა "პალიტრა L"-მაც მოამზადა. სპეციალურად ამ დღისთვის ქართული ეკლ-ესიის უმთავრესი ტაძრის ე.წ. პაზლი გამოიცემა. პაზლი 30 ნაწილისგან შედგება და მისი აწყობის შემდეგ, 3D ფორმატში სვეტიცხოვლის ზუსტ ანალოგს მიიღებთ. პაზლი გასულ წელს "კვირის პალიტრასთან" ერთად იყიდებოდა და ძალიან დიდი მოთხოვნა იყო. მსურველები რედაქციაში გვირეკავდნენ და ითხოვდნენ, კიდევ გამოგვეშვა. "პალიტრა L" წელსაც აძლევს შესაძლებლობას ყველას, შეიძინონ პაზლი. ამჯერად ის გაზეთთან ერთად კი არა, დამოუკიდებლად გაიყიდება და მისი შეძენა სპეციალურ ფასად მხოლოდ 31 ოქტომბრამდე იქნება შესაძლებელი. ყველას ვურჩევთ, იჩქარონ და შეიძინონ!