ღვთის ეს წმინდანი XVII საუკუნეში, კონსტანტინეს ქალაქში დაიბადა.

მისი სულიერი მოძღვარი სახელგანთქმული აღაპი ვულისმასი იყო, რომელმაც გერასიმე განათლების მისაღებად წმინდა მაკარი კალუგერას (ხსენება 17 იანვარს) სკოლაში გაგზავნა, რომელიც ამ უკანასკნელს კუნძულ პატმოსზე დაეფუძნებინა.

გერასიმე იმდენად მოშურნედ შეუდგა სწავლას, სკოლის გასრულების შემდგომ მაკარიმ თავის თანაშემწედ დაადგინა.

ამ ორ წმინდა კაცს შორის უღრმესი სულიერი კავშირი ჩამოყალიბდა, თითქოს ორ სხეულში ერთი სული ედგათ. მათი ერთობა წმინდა გრიგოლ ღვთისმეტყველისა და წმინდა ბასილი დიდის ძმობას შეჰგავდა.

მაკარი, საკუთარი ნებით, დიაკვნად დარჩა, გერასიმე კი ჯერ მღვდლად ეკურთხა, შემდეგ კი იოანე ღვთისმეტყველის ტაძარში ბერად აღიკვეცა, მაკარის კი კვლავ მამობრივ პატივს მიაგებდა, გარდაცვალების შემდგომ მწარედ დაიტირა.

შემდეგ თავი მოვალედ ჩათვალა, სულიერი მამისა და მასწავლებლის შექმნილი სკოლის მმართველობა გადაებარებინა.

წმინდა მამა სულგრძელად და სიხარულით დაითმენ¬და ყოველ განსაცდელსა და უძლურებას, მოძღვრის გარდაცვალებიდან სამ წელიწადში, 1739 წელს კი თავადაც მიიძინა.

წმინდა გერასიმეს სხეული უხრწნელი პოვეს, იმ დროიდან კუნძულის მკვიდრნი ხშირად მიმართავდნენ შუამდგომლობისა და მფარველობისათვის.